Түркістан облысы АИТВ инфекциясының алдын алу орталығының мамандары Халықаралық қазақ -түрік университетінің жастарына ашық есік күнін өткізді.
Шара барысында орталық мамандары репродуктивті денсаулыққа әсер ететін факторларды атап өтті. Олар :
— аборт;
— жаман әдеттер;
— жыныстық жолмен берілетін аурулар;
— дұрыс тамақтанбау;
— жасы;
— психоэмоционалды жағдай;
— экологиялық жағдай;
— денсаулық мәселелері.
Репродуктивті денсаулықты сақтау дегеніміз — сау ұрпақты көбейту функциясын қалпына келтіруге және сақтауға көмектесетін бірқатар шаралар екендігін айтып өткен мамандар жастарды төменде көрсетілгендей шараларды ұстануға шақырды:— салауатты өмір салтын ұстану және жаман әдеттерден бас тарту;
— жыныстық өмір ережелерін сақтау;
— жүйелі түрде тест тапсыру және жыныс жүйесінің денсаулығын бақылау;
— демалыс пен еңбек арақатынасын сақтау, стресстен аулақ болу және қалыпты психоэмоционалды күйде болу.
