Түркістан облысы АИТВ инфекциясының алдын алу орталығының мамандары Облыстық тері венерологиялық аурулар ДИСПАНСЕРІНДЕ АШЫҚ ЕСІК күнін өткізді. Шара барысында орталыққа келуші тұрғындармен аталған инфекция бойынша түсіндірме жұмыстарын жүргізіп, жадынамалық парақшалар таратты.
Өз кезегінде тұрғындар өз мәртебесін анықтауына мүмкіндік алып, экспресс тест тапсырды. Аталған шара репродуктивті денсаулық апталығы аясында өткізіліп жатқандықтан Репродуктивті денсаулық – өмір сапасының негізі жайлы сөз болды. Оның маңыздылығына да тоқталды. Атап айтқанда:
Неліктен маңызды?• Ерте жастан ақпарат алу – өз денсаулығыңа жауапкершілікпен қараудың бастамасы.
• Жыныстық сауаттылық – қажетсіз жүктіліктен, жұқпалы аурулардан қорғайды.
• Дәрігерге дер кезінде қаралу – болашақ ана мен әкенің дені сау ұрпақ сүйуіне жол ашады,-деді мамандар қатысушыларға.
