Түркістан облысы АИТВ инфекциясының алдын алу орталығында 1-маусым Халықаралық балаларды қорғау күніне орай «БОЛАШАҒЫМЫЗ -БАЛАЛАР » тақырыбымен ашық есік күні өтті. Шараға Түркістан медицина колледжінің студенттері қатысып, түрлі салада өздерін сынап көрді.
Атап айтқанда олар СТИГМА, ДИСКРИМИНАЦИЯ тақырыптары бойынша ақпарат алып, өз ойларын еркін жеткізуге үйренді. АИТВ инфекциясы бойынша да ақпараттар алып, оның алдын алу жолдарымен танысты.
Қызыл лентамен белгі беру арқылы олар АИТВ жұқтырған науқастардың қоғамнан шет қалмай, араласуға мүмкіндік алатындығына куә болды.
