Түркістан облысы Төтенше жағдайлар департаментінің мамандарына семинар жұмыстары жүргізілді. Шараның мақсаты -адамның иммундық тапшылығы вирусы мен Жыныстық жолмен берілетін инфекциялардың алдын алу бойынша ақпаратпен таныстыру. Облыстық АИТВ инфекциясының алдын алу орталығының мамандары мекемеге арнайы барып осы бағытта түсіндіру жұмыстарын жүргізді.
Дүниежүзілік ЖИТС-ке қарсы күрес күніне арналған шаралар легі әлі жалғасып жатқандықтан мамандар аталған инфекция бойынша толыққанды ақпарат беріп, жадынамалық парақшалар таратты. Сонымен қатар азаматтарға өз мәртебесін анықтауға мүмкіндік беріп, олардың орталықтың тегін медициналық қызметіне жүгінуге шақырды.
