Кентау қаласы білім бөліміне қарасты «Төрткүлтөбе» жалпы білім беретін мектепте жоғары сынып оқушылары арасында семинар жұмыстары жүргізілді. Шараның мақсаты -адамның иммундық тапшылығы вирусы мен Жыныстық жолмен берілетін инфекциялардың алдын алу бойынша ақпарат беру.
Облыстық АИТВ инфекциясының алдын алу орталығының мамандары өткізген бұл шара 1-желтоқсан Дүниежүзілік ЖИТС-ке қарсы күрес күніне арналды. Қатысушыларға АИТВ инфекциясының алдын алу және одан сақтану шаралары жайлы мәліметтер беріліп, жадынамалық парақшалар таратылды.
