Қазақстан Республикасы Денсаулық сақтау министрлігі ҚР ДСМ «Қазақ Дерматология және жұқпалы аурулар ғылыми орталығы» ШЖҚ РМК, «СК-Фармация» ЖШС-мен бірлесіп, Түркістан облысының ошағындағы пациенттермен түсіндіру жұмыстарын жүргізу үшін кездесу өтті. Шарада сөз алған облыстық АИТВ орталығының басшысы Бақытжан Заманханұлы «Министрліктің дәрі-дәрмек саясаты департаментінің директоры Ж. Қ. Әділханның төрағалығымен өткен жиналыстың хаттамалық тапсырмасында көрсетілген 2-тармағын орындау үшін және GlaxoSmithKline өндірген Долутегравир препаратын сатып алмауымызға байланысты 2025 жылдың 25 ақпанында Түркістан облысы бойынша ем қабылдап жатқан балалардың ата-аналарымен және пациенттермен кездесуді ұйымдастырып отырмыз», — деп өз ойын ортаға салды.
Шараға ҚР Денсаулық сақтау министрлігі Қазақ Дерматология және жұқпалы аурулар ғылыми орталығының клиникалық мониторинг бөлімінің меңгерушісі Қасымбекова Сайрангүл Жүзбайқызы , «СК-Фармация» ЖШС Басқарушы директоры — Басқарма мүшесі Омарова Гүлнара Аттинқызы,«СК-Фармация «ЖШС талдау жұмысы бөлімінің бастығы Мүбараков Асхат Құралысұлы,
«СК-Фармация» ЖШС жеткізушілерді мониторингілеу және қолдау бөлімінің бастығы Аспандиярова Гаухар Серікқызы,облыстық денсаулық сақтау басқармасы басшысының міндетін атқарушы Сатыбалды Бауыржан Нұрланұлы және сала мамандары қатысты.
Сонымен қатар күн тәртібінде АИТВ инфекциясына шалдыққан науқастарды мүгедектікке шығару мәселесі де қаралады.Бұл бағыт бойынша ВТЭК мамандары мен облысытық денсаулық сақтау басқармасына қарасты емханалардың бас дәрігерлері «зум» арқылы қатысып, өз пікірлерін білдірді.
