Түркістан облысы АИТВ инфекциясының алдын алу орталығының мамандары қаламыздағы Президент саябағында болып, қала тұрғындары мен қонақтары арасында АИТВ инфекциясының алдын алуға бағытталған түсіндіру жұмыстарын жүргізді.
Іс-шара барысында мамандар әсіресе жастарға АИТВ инфекциясының берілу жолдары, одан қорғану тәсілдері және салауатты өмір салтын ұстанудың маңыздылығы туралы ақпарат берді.
Сонымен қатар, АИТВ инфекциясын ерте анықтаудың маңыздылығы түсіндіріліп, азаматтарға уақытылы тексеруден өтуге кеңес берілді. Мамандар тұрғындардың көкейіндегі сұрақтарына жауап беріп, инфекцияға қатысты дұрыс әрі нақты ақпаратпен бөлісті.
Мұндай профилактикалық шаралардың басты мақсаты – тұрғындардың АИТВ инфекциясы туралы білімін арттыру, жауапты мінез-құлықты қалыптастыру және инфекцияның алдын алу мәдениетін нығайту.АИТВ-ның алдын алу – әр адамның өз денсаулығына деген жауапкершілігінен басталады!
