Облыстық АИТВ инфекциясының алдын алу орталығының мамандары Отырар ауданындағы Абай атындағы жалпы білім беретін мектепте профилактикалық кездесу өткізді. Шара барысында оқушыларға АИТВ инфекциясының ерекшеліктері, оның берілу жолдары, жұқтыру қаупін төмендету және одан қорғану жолдары жөнінде түсіндіру жұмыстары жүргізілді.
Сондай-ақ мамандар жасөспірімдерге денсаулықты сақтаудың маңыздылығы, жеке бас гигиенасы мен салауатты өмір салты туралы мәліметтер ұсынды.Кездесу соңында тақырыпқа қатысты маңызды ақпараттар айтылып, оқушыларға АИТВ инфекциясынан сақтану жолдары бойынша пайдалы кеңестер берілді.
