Түркістан облысы АИТВ инфекциясының алдын алу орталығының мамандары Кентау қалалық Алау жастар денсаулық орталығымен бірлесе отырып жастар арасында түсіндірме жұмыстарын жүргізді. Репродуктивті денсаулық апталығы аясында жүргізілген бұл шарада орталықтың басшы орынбасары Рыскелдиев Даурен Қашаубайұлы сөз алып жастар арасындағы салауатты өмір салтын қалыптастыру бағыты бойынша атқарылып жатқан жұмыстар жайлы ақпарат берді.
Сонымен қатар репродуктивті денсаулық – өмір сапасының негізі екендігін айта келіп, оның маңыздылығына тоқталды.Неліктен маңызды?
• Ерте жастан ақпарат алу – өз денсаулығыңа жауапкершілікпен қараудың бастамасы.
• Жыныстық сауаттылық – қажетсіз жүктіліктен, жұқпалы аурулардан қорғайды.
• Дәрігерге дер кезінде қаралу – болашақ ана мен әкенің дені сау ұрпақ сүйуіне жол ашады., — деді Д.Рыскелдиев.
Өз кезегінде жастар айтылған ақпарат бойынша сұрақтарын қойып, тұщымды жауап ала білді.
