Түркістан облысы АИТВ инфекциясының алдын алу орталығының мамандары Түлкібас аудандық Халыққа қызмет көрсету орталығында болып, тұрғындар арасында түсіндірме жұмыстарын жүргізді. Орталық мамандары АИТВ инфекциясының алдын алу және одан сақтану шаралары жайлы ақпарат беріп, жадынамалық парақшалар таратты.
Сонымен қатар бұл жерде тек инфекция жайлы ақпарат қана беріп қоймай, салауатты өмір сүру салты бойынша да кеңестер беріліп, тұрғындарды өз мәртебесін анықтауына мүмкіндік берілді. Олар экспресс тест тапсыру арқылы өз мәртебесін анықтап, алдағы уақытта осындай шараларға қатысуға ниет білдірді.
