1-желтоқсан Дүниежүзілік ЖИТС-ке қарсы күрес күніне орай Түркістан қаласында орналасқан Халықаралық қазақ -түрік университетінің кіші залында ВИЧеринка ШАРАСЫ өтті. Шараның аты айтып тұрғанда жастардың басым бөлігінің басын қосқан бұл шараға барлығы қызығушылық танытты.
Шара барысында жастар жұмбақ кейіпкермен танысып, аталған инфекцияға шалдыққан азаматтың өз аузынан оның өмір жолын тыңдады. Сонымен қатар олар өздерін қызықтырған сауалды кейіпкермен қатар шараға қатысып отқан мамандарға да қойды.
Жастардың пікірін сан алуан қырда танытқан шарада ойын да орнатылып, жеңімпаздар да марапатталды. Сонымен қатар жастар QUIZ ойынын ойнау арқылы өздерінің алған ақпараттарын көрсете білді.
