Созақ ауданы білім бөліміне қарасты Ы. Алтынсарин және А. Сүлейменов атындағы жалпы білім беретін мектептерде семинар жұмыстары жүргізілді. Облыстық АИТВ инфекциясының алдын алу орталығының мамандары ұйымдастырған бұл шараға мектептің педагог және дәрігер мамандары мен жоғары сынып оқушылары қатысты.
Шарада өмірде болып жатқан оқиғалармен байланыстыра отырып түсіндіру жұмыстарын жүргізіп, жастардың ойындағы сұрақтарға жан жақты жауап берілді. Орталықтың эпидемиолог дәрігері М.Атамбаева мен педагог маманы М.Кенжегулов жүргізген шарада жастар аталған инфекция бойынша толыққанды ақпарат ала білді.
